Ziniskū projektu „Reitu diasporys latgaliskūs vītrunu īrokstu datubazys sataiseišona” 2018–2019 godā īdzeivynoj Rēzeknis Tehnologeju akademejis humanitarūs i datorzineibu docātuoju i studentu dorba grupa. Projektu finaņsej Rēzeknis Tehnologeju akademeja ziniskuo granta ramuos.
Projekta eislaiceigais snāgs – popularizēt reitu diasporā runojamū latgalīšu volūdu kai latgaliskuo kulturys puormonta svareigu daļu, sataisūt vysim daīmamu ekspedicejuos īraksteitūs i piečuok atšifrātūs tekstu datubazu.
Projekta ilglaiceigais snāgs – iz tekstu datubazys pamata sataiseit diasporys latgalīšu (dzeivojūšu Sibirī, Pliskovys apgabalī i cytuos vītuos iz reitim nu Latgolys) runys tekstu korpusu i regularai jū papiļdeit ar jaunuos dialektologejis ekspedicejuos dabuotim volūdys datim. Car tū radeit vareibu vysuplotuokajam iņteresentu pulkam (volūdnīkim, viesturnīkim, sociologim, antropologim i ct.) vysā pasaulī dareit ziniskūs tiemiejumus, kuri pamatojās iz diasporys latgalīšu volūdys datu.
Projekta aizdavumi:
1. Transkribēt agruokūs godu ekspedicejuos pīlaseitūs video i audio īrokstus (Krasnojarska nūvoda, Novosibirska, Tomska i Pliskovys apgabaļa latgalīšu iņtervejis).
2. Organizēt dialektologejis ekspedicejis, papyldūt reitu diasporys latgaliskūs vītrunu datus ar jaunom iņtervejom (Krasnojarska nūvods, Kemerovys, Novosibirska i Tomska apgabaļs).
3. Sataiseit lingvistiskim tiemiejumim damāruotu datubazys modeli.
4. Vadynuot RTA studentu i akademiskuo personala ziniskuos tiemiešonys darbeibu.
5. Mudrynuot diasporys latgalīšu volūdys i kulturys lobuoku pazeišonu Latvejā, dreizynuot Latvejis latgalīšu volūdys i kulturys lobuoku pazeišonu diasporā.
Sibirs 2018 g.